Filmit Nunanit Avannarlernit Killerneersut takutinneqassapput
Islandimiut filmiliaat illarnartuliaq “Baltasar Kormákurs” unnugu nalunaaqutaq arfineq-pingasunut aallarniutitut takutinneqassaaq.
Filmit naatsuliat pingasut Islandimiumit, Savalimmiormiunillu marlunnit ilitsersorneqartut, sisamanngornerup tulliani takutinneqassapput.
Ivalo Frankip filmiliaa piviusunik aallaaveqartoq ”Tro, Håb og Grønland” kiisalu Inuk Silisip angalanilersaarutaa ”Rejseskildringer”, sisamanngornerit puingajuanni takutinneqassapput.
Kiisalu islandimiut filimiliaat nutaajunerusut pillugit naliliineq, filmeqarnerup oqaluttuarisaanerannik ilisimasalimmit Birgir Thor Møllerimit sisamanngornermi kingullermi saqqummiunneqassaaq, naggasiullugulu islandimiup Dagur Kárisip filimiliaa ”Nói Albínói” filminik naliliisartumit Bo Green Jensenimit ilisaritinneqassalluni.
