Filmiliortut kalaaliaqqanik pissarsiorput
Meeqqat Kalaallit Nunaanneersut 22-it 50`kut ingerlaneranni Danmarkimut qallunaanngorsarniarlugit aallartinneqarput. Nunaminnut uteqqikkamik amerlanerit oqaatsisik puigorsimavaat. Taama Birgitte Skov filmiliassamut nutaamut aaqqissuisuusussaq oqarpoq. Tassunga atatillugu filmiliortarfik Nimbus kalaaliaqqanik qallunaatut oqaluttunik filmimut peqataasinnaasunik pissarsiorpoq.
- Nukappiaqqat niviarsiaqqallu arfineq-marlunnit aqqaneq-marlunnut ukiullit filmiliarerusuppagut. Meeqqat qallunaatut oqaaseqartariaqassapput,
filmiliornerup annersaa Danmarkimi ingerlanneqassammat, filmiliorneq tamaat Nuummi ingerlatissagutsigu aningaasartassaqartinnginnatsigit. Aaliangersimasumik isikkulinnik ujaasivisi<?/i>
- Filmimi meeqqat børnehjemmemi najugaqartut kalaalerpaluttuunissaat pingaaruteqarpoq. Taamaattumik meeqqat qallunaarpaluppallaaratik kalaalerpalunnissaat piumasaqaataavoq, filmiliornissami aaqqissuisoq Birgitte Skov oqarpoq.
Nimbus Filmip aamma nivissat 16-iniit 20-nut ukiullit pisariaqartippai. Soqutiginnittut casting@nimbusfilm.dk-mut allallutik saaffiginnissinnaapput.
Mikisoq Lynge Nuummi filmiliornerni aaqqissueqataassaaq.