Filmilioqatigiiffimmi piginneqataajunnaarpoq

Kalaallit Nunaanni pisuusaartitsilluni filmliami siullermi Nuumiumi, filmiliornermi ataqatigiiissaarisoq Miksoq Hove Lynge, filmilioqatigiiffimmi 3900 Picture Aps-imi piginneqataajunnaarpoq.
Allattoq Jaaku Lyberth
apriilip 06-at 2011 06:36

Filmimi Nuummiumi ilertsersuisoq Otto Rosing filmilioqatigiiffimmi pisortanngorpoq.

Mikisoq Hove Lyngep filmiliortitsivimmi 3900 Pciture ApS-imi piginneqataassutai,  maannna   Otto Rosingimit aammalu suliffeqarfinnut aningaasaliisarfimmit Greenland Venture-mit pigineqalerput.

Filmeliortitiseqatigiiffiup 3900 Picturep filmilianik nunat tamat siaruartitsinermik isumaqatigiiissutaata atorunnaarsinneqarsimanera pissutaalluni Mikisoq Hove Lynge filmiliortitseqatigiiffimmit tunuarpoq.

Filmip Nuummiup nunarsuarmiunut siuarterneqarnissaa Otto Rosingip sulissutigissallugu oqarpoq.

- Qularutissaanngitsumik filmiliarput nunarsuarmi tamarmi takuneqarumaarpoq, Otto Rosing isumalluaqaluni taamatut oqarpoq.

Otto Rosingip oqaasii pillugit Mikisoq H. Lynge itinerusumik oqaaseqarusunngilaq.

- Tusagassiuutit aqqutigalugit malersuineq peqataaffigerusunngilara. Piviusoq paasineqarumaarpoq, tamanna pillugu isummersuutikka piffissami kingusinnersumi saqqummiunneqassapput, Mikisoq H. Lynge KNR-imut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq