Filmiliat ajornersaat Ilulissani immiussaavoq
Hollywoodimi filmiliat ajornersiukkat ukiut tamaasa Razziemik akissarsitinneqartarput. Ukiormannalu ajornerpaamik filmiliorsimasutut akissarsitinneqartoq tassaavoq filmiliortartoq M. Night Shyamalan. Taassuma filmiliaa 'The Last Airbender', Ilulissani ilaatigut immiussaavoq.
marsip 01-at 2011 13:44
M. Night Shyamalanip titartakkanik filmiliaa, "Avatar", "ukiup filmiatut ajornerpaatut", "ajornerpaamik ilitsersuisoqarsimasutut", "angummik ajornerpaamik pingaarnertut inuttaliisimasutut" kiisalu kategoriimi nutaami, tassa "tre-dimensionalimik filmiliornermi ajornerpaamik atuisimanermi", akissarsitinneqarpoq.
Shyamalan Ilulissani 2009-mi filmiliormat kalaallit 50-it missaaniittut naammaataasumik inuttaapput, ilaatigut qimussersutut peqataallutik.
Kalaallit Nunaanni nunaqarfiit ilaanni eqqissisimasumi sakkortuumik pisoqarsimanera Ilulissani Ilulissallu kangerluanni filmiliami pisuusaartinneqarpoq, minutsinillu arfinilinnik sivisussuseqarluni.
