Filmiliaritittartut tusaamasat Islandiliassapput
Isiginnaartitsisartuni tusaamaneqarnerit ilaat, isikkorinninilu pillugu aamma tusamasaasoq, Charlize Theron, Islandiliassasoq, Islandimi nutaarsiassaqartitsivimmi visir.is-imi allaaserineqarpoq.
Isiginnaartitsisartut tusaamasat Islandimi immiussinernut peqataasussat ilagaat, Noome Rapace, atukkiortup svenskip Stieg Larssonip atukkiaa "Angutit arnanik ajorisallit" tunngavigalugu filmiliami taanna inuttatut pingaarnertut ilisimaneqarpoq.
Amerikamiut filmiliaminnik kingullermik Islandimi immiussisoqarneranit ukiut qulit qaangiupput, taamanikkut filmi pissanganartuliaq Lara Croft immiunneqarpoq.
Amerikamiut filmiliaat Islandimi immiunneqartussaq taaguuteqarpoq ' Promethius', greekerit oqaluttuatoqaannit aallaaveqartoq. Filmi taanna pilersaarutit malillugit aappaagu junip qaammataani takuteqqaarneqassaaq.