Filmi " Price of the North Pole" Illu Atlantikumi takutinneqarpoq

Filmi nersornaasigaq, ”Price of the North Pole”, Illu Atlantikumi ippassaq unnukkut takutinneqarpoq.

Billettit 100-t tamarmik pisiarineqarsimapput.

Filmimik ilitsersuisoq, Steffan Julen, filmertitsereernermi apeqquteqarfigineqartarpoq – pikkusullutik isiginnaarsimasunit.

Filmi piviusumik oqaluttuartoq avanersuarmiuaqqap Miniup ilaqutaasalu avalatsitaasut inuunerannik oqaluttuarpoq.

1800-kkut naalerneranni ilisimasassarsiortup, Robert Pearyp, avanersuarmiut arfinillit New Yorkimut avalaappai, amerikamiunut alapernaasertunut, akiliillutik takunnikkumasunut, takutitassianngorlugit. ”Inunnik mikisunik, kajortumik amilinnik, uumasullu amiinik atisalinnik, eskimuunik taaguuteqartunik, avannaarsuanilu isseqisumi inuusunik”, New Yorkimiut takorusussimaqaat, eskimuullu inuunerat tusagassiutit ukiuni tulliuttuni malinnaavigisimallugu.

Robert Peary aappaata, ilisimasassarsiortup Robert Pearyp ernutaata, Miniup inuunera filmimi atuarpaa.

Filmi Nuummi majip ulluisa sisamaanni tallimaannilu takutinneqassaaq. Filmi Danmarks Radiop pisiarisimavaa ukiarulu takutissallugu.

Amnesty Internationalip filmi nersornaaserpaa, Amnesty Awardimik, novemberimi 2006-imi.