Filmi "Nuummioq" ippassaq unnukkut takuteqqaarneqarpoq
Filmi nuannarineqarluartoq, filmip takuteeqqarneqarnerani peqataasut oqaatigaat.
Allattoq Elisa Isaksen
Habitsit, champagne, natersuaasallu aappaluttut pisuffissiat. Nunatsinni kalallinit aliikkutassiatut filmiliarineqartut siullersaat 'Nuummioq' ilaquttanut, ikinngutinut, aningaasaliisunut ikiuuttunullu ippassaq unnukkut takuteqqaarneqarmat persuarsiortoqavissorpoq. Qaaqqusat 500-t missaannik amerlassuseqartut Nuummi Katuami katersuupput.
Filmi takuteqqaarneqareermat Angu Motzfeldt aamma Nivi Nielsen filmimi Nuummiumi nipilersuutitaliisut tusarnaartitsipput. Filmi novembarip 22-ata tungaanut Katuami takuneqarsinnaavoq. Tamatumalu kingornagut Sisimiuni Ilulissanilu aamma takutinneqarumaarpoq.