Filmi nutaaq kalaallisut
”Kuussuit qerisut sinaanni” Isak Kleistip filmiliaata ateraa. Filmiliap sammivai Qeqertarsuup tunuani sermit uugartartut uumasoqarnermut inuunermullu pingaaruteqassusaat.
Qulequttami Kuussuit qerisut sinaanni pineqarput sermit iigartartut marluk Qeqertarsuup Tunuaniittut.
Sermit iigartartut seqerngullu qaamaqisup katullutik uumassuseq annertooq pinngortittarpaa, planktoniniit tassa tappiorarnartuniit, aalisakkanut, puisinut, arfernut timmissanut minnerunngitsumillu inunnut.
Isak Kleistip sarsuasuliani marlunnut avissimavaa neriuutigaalu sarsuasuliani oqallinnermut ilaatinneqaannaratik, aammali nunani allani nunatta ilisaritinneranut atorneqartarumaartut.
Isak Kleist neriuppoq sarsuasuliap isiginnaarneratigut inuit paasinninnerulerumaartut qanoq pinngortitamut atalluinnartiginersugut.
”Uuma sarsuatitap oqariartuutaa pingaarnerpaavoq sermersuup taavalu iigartartoqarfiit ukiullu sikuata upernalernerani aasaaneranilu immap uumassuseqarfiuneranut pingaaruteqarnerat”
Sarsuasuliaq 35 minutsinut sivisussusilinnut marlunnut avinneqarnikuusoq kalaallisut, qallunaatut tuluttullu oqaasertalersugaasimavoq, aqagulu ualikkut marlunut kalaallisut sisamanullu qallunaatut oqaasertallit Ilulissani kulturikkut illumi Sermermiuni takuteqqaarneqartussaapput.
