Filmi Knud Rasmussen saqqummilerpoq

Filmi ”The journals of Knud Rasmussen” Toronto-mi nunat tamalaat filminik takutitsinersuanni septembarimi takutinneqqaqqaassaaq.

Filmi filmiliortartumit Nunavumeersumit Zacharias Kunummit suliarineqarpoq, Igloolimmilu Nunavumiittumi 1922-imi pisuusaartitaalluni.

Filmimi angakkortaasup paniatalu 1900-kkut aallartinneranni ineriartornerup ingerlarnga sorsuutigaat, minnerunngitsumik kristumiuussutsip niuernerullu eqqunneqarnerata kingunerisaanik Igloolimmiunut sunniuteqarnera pineqarluni.

Taamaaleruttornerani danskit ilisimasassarsiortut angakkoqarneq pillugu paasisassarsiortut tikipput, tassalu Knud Rasmussen siuttoraat.- Thule-mit ilisimasassarsiornerminit tallimassaannik ingerlatsinerminut atatillugu.

Nunatsinniit peqataasut tassaapput, Piuaatsoq Petersen, Akitsinnguaq Danielsen, Joaanna Platou kiisalu Qillaq Danielsen.

Danskit isiginnaartitsisartuinit pingasut filmimi peqataasut, tassaallutik Jakob Cedergren, Jens Jørgen Spottag kiisalu Kim Bodnia.

Filmiliortartoq Zacharias Kunuk 2001-imi Cannes-imi Camera D´or-imik nersornaasiisoqarnerani nersornaasigaavoq filimiliaminit ”Atanarjuaq”-mit ”oqilasoorsuarmik” tuluttut The Fast Runner-imik taaguuteqartinneqartumit. Taannalu filmi naggueqatitsinnit inunnit siullerpaamik ilitsersorneqarlunilu inunnit inuttaqartinneqarpoq.

Filmi The Journals of Knud Rasmussen weekendimi Igloolimmi takutinneqareerpat – nunatsinnut Nunavimmut Nunavummullu ingerlateqqinneqassaaq.