Filmi 'Hinnarik Sinnattunilu' ammaasuussaaq

Filmi nuannarineqarluartoq 'Hinnarik Sinnattunilu' Københavnimi Illu Atlantikumi oktoberimi filmertitsisarnissaani ammaasuussaaq. Oktoberimi filmertitsisarnissami filmit quianartut Nunatsinnit, Islandimit Savalimmiuneersullu takutinneqassapput.
Allattoq Elisa Isaksen
septembarip 27-at 2010 06:04

Ullut filminik ingerlatsiffiit qulingiluassaannik ingerlanneqarnissaat, oktobarillu arfineq aappaanni ammarneqarpat, filmit qiimanartut ulluinnarni inuunermik imaqartut, inuiaqatigiinnik quiasaarutiginninnerit aamma mitakujulluni oqarusernerit, Atlantikup avannaamiut filmiliaasa atuakkiaasalu ilisarnaatigilluartagaat takuneqarsinnaassapput.

Filmi 'Hinnarik Sinnattunilu' siulliulluni oktobarip arfineq aappaanni takutinneqareerpat, filmiliornermik ingerlatsisut Malik Kleistip aamma Angajo Lennert-Sandgreenip, filmi filmerianut oqaloqatiginnissutigissavaat.

Ulluni filmertitsinernik ingerlatsiviusuni aamma islandimiut filmiliaat 'Den islandske drøm' takuniarneqarsinnaavoq, taanna filminik nalilersuisartup Christian Monggaardip tassaanerarpaa, filmimi quianarluinnartumi inuup imminut sorsuakkiarisup Islandimi inuutissarsiornikkut ingerlatsinermini iluatsitsinerisa ajutoornerisalu oqaluttuarineqarneri.

Oktoberimi filmertitsinerit naggataarlugit oktoberip 21-ani Savalimmiormiut filmiliaat naatsoq alianaannarlunilu quianaannartoq takuneqarsinnaassaaq. Unnummi aamma tassani islandimiut filmiliaat naatsut akissarsisitaasimasut aamma takuneqarsinnaassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq