Filmfestival: Filmi qiimmaallannartoq nunatsinni takuteqqaarneqalersoq

Nuuk International Film Festival ingerlanneqalerpat canadamiut Nunavummi filmiliaat pisimasunik toqqammaveqartoq isiginnaarluarneqarumaartoq ilimagineqarpoq.

Nuuk International Film Festival pingajussaaneerluni pingasunngornermit ingerlanneqalerpat filmit marluk, canadamiut filmiliaat 'The Grizzlies' aamma kalaallit suleqatigalugit filmiliaq 'AQUARELA' nunatsinni takuteqqaarneqassapput.

Nuuk International Film Festivaali Kommuneqarfik Sermersuumit aamma Tips og Lottomidlerinit tapiiffigineqarluni Katuaq, FILM.GL aamma Karitas Production suleqatigalugit ingerlanneqartarpoq.

18. septembarimit 21. septembari ilanngullugu festivaaleqarnissaani pilersaarutit uani takusinnaavatit.

Filmi 'The Grizzlies' Canadap avannaani Nunavummi imminut toquttarnerup nalaanneqarfiuleruttornerani timersornerup inuusuttunut pitsaasumik sunniuteqarsimaneranut piviusumik toqqammeqarluni filmiliaasoq, filmi 'AQUARELA' allarluinnaavoq.

'AQUARELA'-mi nunarsuup pisuussutaanut annerpaamut tunngavoq, tassalu imermut. Filmi festivalini arlalinni akissarsisinneqaqattaarpoq, soorlu Venedigimi aamma Sundancemi,  taanna USA-mi qaammat kingulleq takuteqqaarneqaqattaarpoq, ilaatigut oqaatigineqarluni pivusulersaarut ulorianartut aavatangiiseralugit sananeqarsimasoq. Filmi Europami, European Film Festivalimi decembarimi takutinneqassaaq, tassanilu Europamiut filmiliarisartagaasa akissarsiarisartagaasa annersaannut, European Film Award-imut, pinnaratarsinnaasut akornanniisssalluni.

'The Grizzlies', Nuuk International Film Festivalimi kingullersaalluni takutinneqartussaq, aaqqissuisunit ilimagineqarpoq isiginnaariarluarneqarumaartoq.

Hans Hedtoftip umiunera pillugu naatsuliaq takuteqqaarneqassaaq

Filmiliat aliikkutassiaanerusut tallimat takutinneqartussat saniatigut Canadamit, Saaminit
aamma Nunatsinnit naatsuliat takutinneqassapput.

Nuuk International Festivalilu naapertorlugu nunatsinnit naatsuliat eqqumaffiginissaannut pissutissaqarluarpoq, tassami nunatsinnit filmiliat marluk filmfestivalertoqarnerani takuteqqaarneqartussaammata. Tassalu Jens-Christian Lybert Lennertip naatsuliaa 'With Darkness I Grew Into A Midnight Sun' aamma 'Hedtoft' Inuk Jørgensenimit naatsuliarineqartoq.

Naatsuliami 'Hedtoft'-imi piffissaq Hans Hedtoftip 1959-mi umiuneranut ukiunik 60-nik kingumut utertinneqarpoq.

'Hedtoft'-imut qilanaartuut uani takusinnaavat:

Inuk Jørgensenip naatsuliaa kingulleq 'Home' siorna Nuuk Internationl Film Festivalimi aamma takuteqqaarneqarpoq, tamatumalu kingorna nunarsuarmi sumiiffinni assigiinngitsuni akissarsitinneqartarluni.

Meeqqat puigorneqanngillat

Filmfestivalimi meeqqat aamma immikkut isiginnaangassaqartinneqarput, ilaatigut europamiut aamma canadamiut titartakkanik aalasuliaannik isiginnaagassaqassangamik, soorlu aamma canadamiut Taqqut Productions, Eqalunni
angerlarsimaffillit, meeqqanut titartakkanik aalasuliortartut sulisui tikeraassamaartut.

Meeqqanut immikkut isiginnaangassaqartitsinneq 19. septembarimit 21. septembarimut ingerlanneqassaaq.

Nuuk International Film Festivaali 18. septembariiit 21. septembari ilanngullugu ingerlanneqasssaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat