Filippinerimiut præsidentiat: Ikiaroortartut inuugamik?
Suliniaqatigiiffiit arlallit taama iliortoqarnera isornartorsiorpaat, inuttut pisinnaatitaaffinnik unioqqutitsisutut taallugu, inuiannullu pinerliisutut aamma taaneqarluni.
Ikiaroornartuernianut ikiaroortartunullu sakkortuuliornini Dutertep ullumi illersorpaa oqarluni ikiaroortartut inuunngitsut:
- Inuiannut pinerluuteqarsimasoq? Apereqqaalaarlanga: Inuuppat? Duterte oqalugiarnermini ilaatigut aperivoq.
Naalagaaffiit Peqatigiinneersut nuimasut arlallit, FN-ip qullersaa Ban-ki Moon taakkununnga ilaalluni, Dutertep iliuuserisai apeqquserpaat.
Unioqqutitsisimasutut pasisat aallaallugit toqunneqarsinnaanissaat Dutertep akuersissutigereerpaa, tamannalu FN-imit isornartorsiorneqarluni.
Naalagaaffiilli Peqatigiinnit taama isornartorsiuinnartoqarpat Filippinerit FN-imit aninissaat Dutertep sioorasaarutigaa.
/ritzau/AFP