Filippinerini qarsutsinermit 83-it ajunaartut
Qarsutsinermi maannamut inuit 83-it ajunaarsimasut, aviisip Politikenip nittartagaani allaaserineqarpoq.
Tassa Filippinerini qeqertat avannarliit ilaata Luzonip, kiattup anorersuanit ippassaq aqqusaarneqarneratigut, ukiuni 40-ni aatsaat taamak sakkortutigisumik qarsutsineqarpoq.
Tamaani oqartussaasut sakkortuumik naalakkersuisoqalersoq nalunaarutigaat, aamma inuit 300.000-it angerlarsimaffeeruttut, CNN-imi allaaserineqarpoq.
Anorersuup aseruatiterineratigut, timit ipisimasut 83-it imermit maralluttaqaqisumit annaassinianit qaqinneqarput, maannamullu 23-t suli maqaasineqarlutik.
Nalunaaquttap akunnerini aqqaneq marlunni sialuk 42 millimeterinik annertussusilik nakkarpoq. Tamanna Filippinerini qaammammi ataatsimi siallertarneranit anneruvoq.
- Maannakkorpiaq ajunaarsimasunik ujaasineq aamma inuit angerlarsimaffeeruttut qassit ikiortariaqarnersut paasiniarlugit ulapputigineqarput, Richard Gordon Filippinerini Røde Korsimi pisortaasoq CNN-imut taama oqarpoq.
