Filippinerini innuttaasut qimagussornissaminnut peqquneqartut
- Qaqqap innermik anitsisup eqqaanni najugaqartut kingulliit ullumikkut aninngippata pinngitsaalillugit qimagutsinneqassapput, politiit naalagaat taama oqarpoq.
Qaqqap innermik anitsisimasup anitseqqerartarsinnaanera aarlerinaateqartutut nalilerneqareersorlu - innuttaasut akunnerit 24-t taamaallaat periarfissaralugit angerlarsimaffitik qimassagaat peqquneqarput.
AAMMA ATUARUK Filippinerini qaqqap innermik anitsinissaa aarlerisaarutigineqarmat inuppassuit qimagussortinneqartut
Pisortat aamma aarlerisaarutigaat, innuttaasut qimagunnissamut malinninngitsut ikiorneqarnissartik naatsorsuutigisinnaanavianngikkaat.
Illoqarfiup annersaata, Manilap kujataatungaani nunaannarmi najugaqartut 235.000-it sinneqartut januaarip ulluisaq aqqaneq aappaanni qimagutereerput.
AAMMA ATUARUK Qaqqaq innermik anitsisartoq ikkulummat Manilap eqqaamiui qimagussortinneqartut
Nunaatillillit ilaat illutik uumasuutitillu alakkarniarlugit uteqqissimapput, tamannalu immikkoortortami politiit pisortaannit, Vicente Danaomit uumigineqarpoq, innuttaasummi ilaat qimagukkumasimanngimmata.
- Qaqqap innermik anitseqqissinnaasup eqqaani najugaqartut uteriillutik angerlarsimaffimminnut utersimasut, pisortanit akisussaaffigineqarsinnaanngillat aamma qaqqaq innermik anitseqqilissagaluarpat, politiit naalagaat radiomut DZMM-mutoqarpoq.
