Filippinerini annaassiniartartut ulappupput
Kiattup anorersuata, Ketsanap, nalunaaquttap akunneranut kilometerinik 100-nik sukkassuseqarluni Filippinerit arfininngormat aqqusaalutorai, aseruatitererujussuarluni. Inuit 380.000-it missaat qimarnguinni massakkorpiaq najugaqarput - tassa siusinnerusukkut nalunaarutigineqartunit pingasoriaammik amerlanerit.
Inuppassuit nerisassaqaratillu imigassaqanngillat, oqartussaasullu ilisimatitsinerat naapertorlugu inuit ikinnerpaamik 240-t ajunaarsimapput.
Illersornissamut ministeri, Gilberto Teodoro, TV-qarfimmut BBC-mut oqarpoq, ikiuutissat nungussagaluarpata ajornartorsiortorujussuanngussallutik.
Filippinerinili præsidenti, Gloria Arroyo, sapinngisamik ikiuuppoq, tassami inuit sumiiffissaqanngitsut præsidentip illorsuaniitikkamigit. Aviisip Politikenip nittartagaani tamanna allaaserineqarpoq.
