Filipinerini nuna sisummat ajunaartorpassuit

Filippinerit kangiatungaani silarlorujussuarneranit tamatumalu kingunerisaanik nunap sisoorneranit, inuit 388-it ajunaarput 100-llu missaanniittut maqaasineqarlutik,

Røde Kors-imiit ullaaq manna taama ilisimatitsisoqarpoq.

Kiattup anorersua nalunaaquttap akunnerini arlalinni takkussimaarpoq nunallu immikkoortuani Albay-imi, illoqarfiit pingaarnersaanit Manila-mit 330 kilometerinik kujasinnerusumi, uivernermik pilersitsilluni.

Siallerujussuarnerata kinguneranik sumiiffinni arlalinni nuna sisoortarpoq qarsutsineqartarlunilu – nunaannarmi illoqarfik Daranga eqqugaanerpaavoq, tamaanimi marulluup illut qaliaasa sinarsuini kuuffiit tikissimagai, oqartussaasut nalunaarutigaat.

- Pissutsit ilungersunartorujussuupput ajunaartullu amerlanerunissaat naatsorsuutigaarput, nunap immikkoortuani guvernøri Fernando Gonzales

tallimanngornermi taama oqarpoq.

Kiattup anorersuata nunap ilaa tamanna nalunaaquttap akunneranut 150 kilometerinik sukkassuseqarluni aqqusaarsimavaa.