Filipinerimiu Savalimmiuni eqqartuunneqalerpoq

Savalimmiuni ukiuni kingullerni 16-ini eqqartuusseqataaasoqartillugu eqqartuusissoqarsimanani eqqartuussisoqalerpoq. Filipiinerimiu 41-inik ukiulik savalimmiormiumik umiarsuup naalagaanik toqutseriarsimasutut eqqartuunneqartussanngorpoq.

Angut Filipinerineersoq umiarsuarmi Thorsvik-imi inuttaasimavoq, Nordsømi uuliasiornermi atorneqartoq. Angutip unnerluussisua malillugu umiarsuup naalagaa savimmik arlaleriarlugu kapisimavaa, napparsimavimmut unitsinneqartariaqarluni. Angut Filipinerineersup eqqartuunneqarnissaani paragraf 183 malillugu eqqartuunneqartussanngortitaavoq, pinerluttulerinermut inatsit taanna qaqutigorujussuaq atorneqartarpoq, tassalu timmisartumik umiarsuarmilluunniit tiguaasimasut pineqaatissiissutigisarpaat.

Unnerluussisup piumasaraa angut eqqarsaataatsimikkut akornutilittut pineqaatissinneqarnissaa Savalimmiuniillu anisitaassasoq.

Unnerluussissut malillugu angutip umiarsuaq akunnerni marlunni tiguaqqasimavaa. Savalimmiuni radio malillugu eqqartuusseqataaasoqartillugu eqqartuussineq kingullermik 1980-imi atorneqarpoq, taamanikkut angut arlaleriarlugu ikuallatitsisimasutut eqqartuunneqarmat.

Pilersaarutit malillugit tallimanngorpat eqqartuussisoqassaaq.