Filipinerimi nunap sisoorneranit ajunaartut 200-t

Filipinerit qiterpasissortaani nunap sisoorneranik illoqarfik matoorussaavoq, inuillu 200-t ajunaarsimassangatinneqarput tusind-ilippassuillu maqaasineqarlutik. Filipinerini Røde Kors taama nalunaaruteqarput.

Illoqarfeeqqami Guinsaugon-imi Filipinerit kujasissortaani qeqertami Leyte-mi inuit 1500 maqaasineqarput. Nalunaarutigineqarpoq illoqarfeeqqami illut 500-juusimasut.

Innuttaasunik illersuisut inuit toqungasut timaat sisamat taamaallaat maqallummi nassaarivaat, annaassiniallu ajunaarfimmukarniarnerat ajornakusoormat, ajunaarnerup qanoq annertutiginera suli ilisimaqqissaarneqanngilaq.

Sakkutuut qulimiguunik nunamik sisoorfiusoq qulaajaavaat, eqqugaasunillu ikiuillutik.

Filipinerini ulluni kingullerni siallerujussuartarsimavoq. Leyte-mi inuit 20 sinneqartut sapaatip akunnerata uumap ingerlanerani nunap sisoorneranik ajunaarput.

Filipinerit nalunaaqutaat malillugu ullaakkut qulingiluanut illoqarfeeqqat marluk nunap sisoorneranik eqqorneqarput.