FIFAp nunatsinnut tikeraarnissaa kinguartippoq

Nunarsuaq tamakkerlugu isikkamik arsaattartut kattuffiata FIFAp præsidentiata Sepp Blatter nunatsinnut tikeraarnisaa kinguartinneqarallarpoq.

Sepp Blatter Sydafrikami nunarsuaq tamakkerlugu isikkamik arsaalluni pissartanngorniunneq malinnaaffigaa, tamatumalu kingorna VM naammassippat ataatsimiittussavoq taamaattumik Sepp Kalaallit Nunaannut Savalimmiunullu tikeraarnissani kinguartittariaqaraa Kalaallit Nunaanni Timersoqatigii Kattuffiat GIF taamatut nalunaaruteqarpoq.

Sepp Blatter nunarsuarmi isikkamik arsaannermik sunniuteqarnerpaavoq.

Isikkamik arsaalluni Kalaallit Nunaanni atugassarititaasut misigerusullugit takorusullugillu Kalaallit Nunaannut tikeraarniarpoq.

Minnerunngitsumik Qaqortumi ivigaaraasanik arsaattarfiup takunissaa Sepp Blatteriumut pingaaruteqarpoq, taannami FIFAp aningaaasatigut tapiissuteqarneratigut sananeqarpoq.

Sepp Blatterip Kalaallit Nunaannut tikeraarnerani Kalaallit Nunaanni illoqarfiit allat ivigaaraasanik sanaajusunik arsaattarfeqalernissaannik pilersitsinissamik kinguneqarsinnaanera, Kalaallit Nunaanni Timersoqatigiit Kattuffiata siulittaasuanit Nuka Kleemannimit neriuutigineqarpoq.

Sepp Blatter angalaqataalu nunatsinniinnerminni Qaqortumut Nuummut Ilulissanullu angalassapput.

Sepp Blatter angalaqataalu aggustip qaammataanni imaluunnit septemberip qaammataata aallartisimalernerani Nunatsinnut tikeraassapput, Grønlands Idræts Forbund taamatut nalunaaruteqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat