Fifap Blatter Platinilu ukiuni arfineq-pingasuni arsaannerni ilaaqqusaajunnaartippai
Nunarsuarmi arsaattartut kattuffiani, Fifami, Sepp Blatter, Michel Platinilu, arsaannermik tunngasuniit, peqquserluttuliorlutik pissutigalugit, ukiuni arfineq pingasuni ilaatinneqarunnaarput. Nutaarsiassaqartitsivik AFP taama nalunaarpoq.
Allattoq Ritzau
decembarip 21-at 2015 11:11
Nutserisoq Kerté Jeremiassen
Sepp Blatter ilanngullugu 50.000 schweizerfrancinik, tassa 350.000 koruunit missaannik akiliisussanngortinneqarpoq, Michel Platinilu 80.000 schweizerfrancinik - tassalu halv millionit koruunit missaannik akiliisussanngortinneqarluni.
Taakku marluullutik Fifamiit sisamanngormat tallimanngormallu killisiorneqaramik peqquserluttuliornermut pisuunnginnerarput.
Platinip Fifami præsidentitut Sepp Blatteri kingoraartissaatut piukkunneqaraluarpoq, tamannali maanna piviusunngortinneqarsinnaanngitsoq takusariaqassagaa, ritzau allappoq.
Sepp Blatter qanittukkut oqaatigaa, Fifamit eqqartuussissutigineqartoq suliassanngortinniarlugu
Michel Platinilu taamaaliornissaa aamma ilimagineqarpoq.
Fifamut præsidentimut februarip 26-ani qinersisoqassaaq.
