FIFA suleqatigalugu arsaannermik festivalertitsisoqalerpoq

Nunatsinni Arsaattartut Kattuffissuat FIFA aamma DBU suleqatigalugit, Ilulissani, Nuummi Qaqortumilu aasaq manna arsaannermik festivalertitsissaaq.

Festivalertitsinerit juulip naaneranit augustillu aallartinnerani pissapput.

Meeqqat arfinilinniit aqqaneq marluk tikillugit ukiullit arsaatsinneqarnissaat siunertarineqarpoq. Grønlands Bold Union tusagassiutinut nalunaarutaanni ilaatigut ima allaqqavoq:

- Nunarsuatsinni arsaannerup ilisimaneqarnerulernissaanik FIFA siunertaqarpoq, taamaattumillu FIFA Foodball Festivalinik pilersitsisimavoq taagukkamik "Arsaattartuunngitsut piumassuseqalernissaat".

Illoqarfinni taaneqartuni festivalertitsinissaq ulluni pingasuni ingerlanneqassaaq. Ullut siulliit marluk, sungiusaasut FIFA-mit aaqqissuussat malillugit piareersarneqarnerinut ingerlatsinernullu sungiusartinneqarnerinut atorneqassallutik.

Ulloq kingulleq meeqqat peqataarusullutik aggersimasut ilinniartinnerannut atorneqassaaq.

Sungiusaasunik sungiusaassaaq FIFA-mi sungiusaasut ilaat, Jean- Marie Conz, Ilulissani, Nuummi Qaqortumilu klubbini sullissisut peqatigalugit.

Peqataanissamut kajummikkaanni ullut festivalerfiusussat paasiniaaffigineqarsinnaasullu ataani takuneqarsinnaapput.

Ilulissat:            Juulip 27 -aniit  juulip 29-ata tungaanut - saaffissaq Lena R. Davidsen (N48)

Nuuk:                 Aggustip aallaqqaataaniit aggustip pingajuata tungaanut - saaffissaq Christian Laursen (B-67).

Qaqortoq:        Aggustip tallimaaniit aggustip tallimaata tungaanut - saaffissaq Kent Kielsen (K33).

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat