FIFA-p præsidentia Nunatsinnut aasaru tikeraassaaq
Afrikap kujataaniittumi naalagaaffimmi Sydafrikami arsaannermi VM-qarnera aasaru naammassippat, 74-inik ukiulik Sepp Blatter juuli naalerpat Nunatsinnukassaaq.
Arabiamiut tv-qarfianni Aljazeerami oqaatigineqarpoq, Sepp Blatter sapaatit-akunnerini pingasuni sinerissatsinni angallammik angalaarniartoq, Issittumi arsaattarneq paasisaqarfigerusukkamiuk.
- Kalaallit Nunaata arsaannermi VM-imik ingerlatsiviusinnaanissaa ilimananngikkaluarpoq, taamaattorli arsaannermi VM-ip suiullerpaamik Araberit Nunaanni 2022-mi pisinnaanissaa issittumut angalaninni eqqarsaatiginiarpara, tassami aasaru Sydafrikami VM-eqarnissaa Afrikami siullerpaamik pisussaammat, Sepp Blatter Aljazeeramut oqarpoq.
Timersoqatigiit Kattuffiannit nalunaarutigineqarpoq
Illoqarfiit Qaqortoq, Nuuk Ilulissallu Blatterip tikeraassagai Timersoqatigiit Kattuffiannit oqaatigineqarpoq.
Blatterip Nunatsinnut aasaru tikikkuni qaamanersuaq tupigusuutigissaqqooqaa. Tassami Aljazeeramut oqarpoq, Kalaallit Nunaanni arsaannermik pissartanngorniuttoqarsinnaanera tupinnartuusoq, tassami taavani avannaarsuani ulluunerani taamaallaat nalunaaquttap akunnerini sisamani qaamasarmat.
Nunatsinnut angalanissaa Nunatsinni arsaattartut kattuffiat suleqatigalugu pissaaq.