– Allaasersortoqarnera nassuiaatissarsineqarusuttoq paasisinnaavara. Nassuiaatissaqartikkusukkaluarparput, aallaasersortoqarneraniilli nalunaaquttap akunneri 24-t suli qaangiutinngitsulluunniit nassuiaateqartilereerniarutsigu qulaajaanerunavianngilaq, Dannie Rise oqarpoq.Assi: Martin Sylvest/Ritzau Scanpix

Fieldsimi aallaaneqartut nunanit assigiinngitsuneersuusut

Aallaaneqartut aallaasersortutullu pasineqartoq imminnut attuumassuteqanngitsut, Københavnip politiivi isumaqarput.

Arnat arfinillit angutillu sisamat 15-it 50-illu akornanni ukiullit Amagerimi pisiniarfeqarfissuarmi Fieldsimi ippassaq sapaammi aallaasersortoqarnerani aallaaneqarput.

Københavnip politiivini politiinspektøri, Dannie Rise, tusagassiortunut ullumi ataasinngornermi sassarami taama oqarpoq.

Inuit pingasut allaaneqarlutik toqutaapput, sisamat ikilerneqangaatsiarput pingasullu qarsupittumik aallaaneqarput.

Fieldsimi aallaasersortoqarnera ataatsimut isigalugu:

 

Københavnimi politiit pisiniarfissuarmi Fieldsimi aallaasersortoqartoq sapaammi nalunaaqutaq 17.36 (danskit nalunaaqutaat) nalunaarfigineqarput.
 

Politiit oqarnerat naapertorlugu Fieldsimi sumiiffinni assigiinngitsuni marlunni seqqortoqarpoq.

 

Inuit pingasut toqutaapput. Nukappiaraq niviarsiararlu 17-inik ukiullik kiisalu angut russitut innuttaassuseqartoq 47-nik ukiulik Danmarkimili najugaqartoq.

 

Tamatuma saniatigut inuit sisamat aamma eqqorneqarput. Taakkunannga ataaseq peruluppoq.

 

Inuit allat 23-t aallaasersortoqarnerani aamma ajoqusersimapput.

 

Politiit angut 22-nik ukiulik danskisut innuttaassuseqartoq aallaasersortoqarnerata kingorna tigusaraat.


Angut ataasinngornermi inatsit tunngaviusoq naapertorlugu killisiorneqarpoq. Angut taanna tarnikkut nappaatilinnut immikkoortortaqarfimmi matoqqasumi ulluni 24-ni tigummigallagassanngortinneqarpoq.

Politiinspektørip oqarnera naapertorlugu aallaaneqartuni arfinillit danskisut innuttaassuseqarput, marluk svenskisut innuttaassuseqarput, ataaseq russisut innuttaassuseqarpoq ataaserlu afghanistanimiusut innuttaassuseqarpoq. Taaneqartut kingulliit marluk Danmarkimi najugaqarput.

Aallaaneqartut aallaasersortutullu pasineqartoq imminnut attuumassuteqanngitsut, Københavnip politiivi isumaqarput. Pasineqartoq tarnikkut nappaatillit immikkoortortaqarfianni matoqqasumi ullumi ataasinngornermi tigummigallagassanngortinneqarpoq.

AAMMA ATUARUK Sara Brandt Fieldsimi perusuersartarfimmi minutsit 15-ingajaat toqqoqqasoq

Københavnip politiivisa aallaasersortoqarnera misissuiffigileruttorpaat. Ilaatigut Fieldsimi videomik nakkutilliissutinit immiussat aallaasersortoqarnerani pisunik misissuinerminni atoriaannaagitsik, politiit oqaatigaat.

Politiit aallaasersortoqarneranik kalerinneqarnerminniit minutsit 13-it qaangiutereersullu aallaasersorsimasorineqartoq tigusaraat.

- Misissuinerput naassaanngitsutut misinnarpoq. Soorli aallaasersortoqarnersoq qulaajarniartussaavarput, Dannie Rise oqarpoq.

Aallaasersortoqarneranulli suna pissutaanersoq, politiit oqaatigisinnaanngikkallarpaat.

– Allaasersortoqarnera nassuiaatissarsineqarusuttoq paasisinnaavara. Nassuiaatissaqartikkusukkaluarparput, aallaasersortoqarneraniilli nalunaaquttap akunneri 24-t suli qaangiutinngitsulluunniit nassuiaateqartilereerniarutsigu qulaajaanerunavianngilaq, Dannie Rise oqarpoq.

- Taamaammat aallaasersortoqarnerani pisunik misissuinitsinni paasisagut najoqqutaralugit aallaasersortoqarneranut suna pissutaanersoq paasiniarlugu qulaajaassaagut, taanna ilanngullugu oqarpoq.

AAMMA ATUARUK Múte B. Egede om Fields-skyderi: Mine tanker går til de berørte

Inuit hunnorujulikkaat arlallit ippassaq sapaammi pisoq politiinut saaffiginnissutigisimavaat.

Politiit inunnik ilisimannerataannaasunik oqaloqateqarusuttut, Dannie Rise oqarpoq.

Angut 22-nik ukiulik Fieldsimi ippassaq sapaammi ualikkut arferngup qiteqqunnerata missaani aallaasersorsimasutut pasineqarpoq. Inuit qulit pinerlineqarsimasut saniasigut inuit 20-t pisiniarfeqarfissuarmit qimaanerminni ajoqusersimapput.

Angut 22-nik ukiulik inunnik pingasunik toqutsisimasutut inunnillu allanik toqutseriarsimasutut pasineqarluni ulluni 24-ni ullumi ataasinngornermi tigummigallagassanngortinneqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl