Fidel Castro præsidentitut uteqqilerpoq

Allattoq Mads Lynge
marsip 19-at 2007 07:20

Cuba-p præsidentia Fidel Castro præsidentitut atorfini apriilip ulluisa 28-ianni uterfigeqqissagaa, taamalu qatanngutini Raúl Castro taarsissallugu, Boliviap præsidentia Evo Morales Boliviami tusagassiuutinut nalunaarutigaa.

Apriilip 28-at tassaavoq nunat assigiinngitsut Caribiameersut Latinamerikameersullu ullorsiorfissaat, ullormi taanna tassaavoq nunat taakku akornanni suleqatigiinnissaq pillugu ALBA-mik taaneqartartut aallarnerneqarfiat. ALBA 2004-mi aallarnerneqarpoq.

Bolivialu ALBA-mut siorna ilannguppoq.

Castro pillugu paasissutissat Moralesip suminngaanniit pissarsiarisimassanerai ilisimaneqanngillat, Fidel Castrolli aqajarua aasaq suliaritikkamili peqqissiartuinnavissimasoq oqaatigineqartarmat præsidentitut suleqqilersinnaassasoq ilimagineqarpoq.