Feeriarsimanini pillugu utoqqatserpoq
Danskit nunanut allanut ministeriat Lene Espersen Canadami issittoq pillugu oqalliffimmi, USA-p nunanut allanut ministeriata Hillary Clintonip aamma peqataaffigisaani, ataatsimiigiarani Mallorcamut feeriarsimanini pillugu maanna utoqqatsissuteqarpoq.
maajip 28-at 2010 10:49
- Arlaleriaqalunga utoqqatsissutigisarsimavara ataatsimiinnermut nalunaaquttap akunnerinik pingajussaa avillugu sivisussusilimmi peqataasimannginnama. Kukkussuteqarsimagama maanna nassuerutigissavara. - Kukkusimavunga tamannalu utoqqatsissutigaara, Lene Espersen TV2 Newsimut oqarpoq.
Isumasiuinermi akerliusut amerlanerussuteqarnerusut paasinarsereersorli utoqqatsissuteqarneq takkuppoq.
- Neriuppunga utoqqatserneq kukkusimanermillu nassuerneq sammisamut allamut saatsitsiumaartut, Lene Espersen oqarpoq.
