Faxe Cup-mi finale-lerput
20-issaa Faxe Cup-imi unammersuarnermi finalemi unammissapput HF Hafnarfjordur aamma GSS Nuummeersoq. Taakku tamarmik arfininngornermi semifinaleni unammipput.
Pissanngatigineqaleraluarpoq FH Hafnarfjordurip aamma NÛK semifinalemi unamminissaat tallimanngormat unnukkut mål-inik marluinnarnik FH ajugaareersoq. Semifinale-mili Islandimiut inussiarnisaanngivipput.
Muminnermi FH 15-9-mik siuaqqavoq immikkoortullu aappaani 15-5-mik ajugaalluni. Tassa katinneranni FH 30-14-mik ajugaavoq. FH-mi unammisartut ukioqqortunersaat Hinn Hannesdottir Islandimiuni isertitsinersaavoq sisamaraarami. Ruth Kreutzmann NÛK-mi isertitsinersaasoq sisamamik isertitsilluni.
Semifinalep aappaani unammipput GSS aamma Byholdet tassanilu Byholdet målinik marluinnarnik kinguaqqaleraluarput. GSS-ili sukaqqeriasaarpoq unamminerlu naammassimmat 30-24-mik ajugaalluni. Panu Grønvold GSS-mi isertitsinersaavoq arfineq pingasoraarami Aili Pedersen Byholdini isertitsinersaasoq aamma arfineq pingasoraarluni. Boas Møller aaqqissuisuniit taama ilisimatitsivoq.
Aajuku arfininngornermi angusat
FH - NÛK 30-14 (15-9)
GSS - Byholdet 30-24 (14-11)
Aajuku sapaammi unamminissat
Nal. 13.30 NÛK - Byholdet (normu 3-nngorniunneq)
Nal. 15.00 Takutitsineq NÛK - GSS (angutit utoqqasaat)
Nal. 16.00 GSS - FH Hafnarfjordur (finale)
Sapaammi unamminerit tamarmik KNR-TV-kkut toqqaannartumik aallakaatinneqassapput.