Fatuma Ali: Meerarpaluttumik pissuseqarpoq

Jyllands-Postenip Muuamaamik titartakkat saqqummersikkamigit perorsarsimappalunnani meerarpaluttumik pissuseqarpoq, Dronning Ingridip Napparsimmavissuani eqqarsartaatsikkut nappaatinut nakorsaaneq, oqallinnermut atatillugu issuarneqarpoq.

Fatuma Ali nammineerluni muuamaamik upperisaqartuusoq isumaqarpoq tunngaviusumik inatsimmi paragraf 77 tamat oqarsinnaatitaanerannut maleruagassaq mianersuullugu atortariaqaripput nangipporlu oqaaseqaraangatta allat qanoq misigisimanersut tusarniassallugit tamatta ilinniartariaqarparput.

- Danmarki nunarsuarmioqataavoq kulturillu assigiinngitsut ataqqineqarnissaat pingaaruteqarluinnarpoq, Fatuma Ali oqarpoq.

Jyllands-Posten-imi Muhammedimik mitaatiginnilluni titartakkat ingasaassinianit danskiusunit muuamaakkormiunik piaaraluni puffassaarinerusoq. Danmarkimilu muuamaakkormiut kamassimareeqisut misigissutsimikkut ikilerneqartutut misigigamik sakkortorujussuarmik perulluliulersimasut Fatuma Alip eqqoriarpaa.

- Najummassimanartorsiorfiup nalaani titartakkat saqqummiunneqarneri qaartitsippullusooq, Fatuma Ali oqarpoq neriupporlu danskit naalagaaffiata upperisarsiortut muuamaakkormiut ikinnerussuteqartuusut torernerusumik attaveqarfigisalissagai.

-Anders Fogh Rasmussenip ilinniartariaqarpaa aamma muuamaamik upperisallit statsministererimmanni, Fatuma Ali Politikenimut ullumi taama oqarpoq.