Savalimmiuni timmisartuutileqatigiiffittaap, FaroeJetip, matunissaanik oqallinnerit, pisortaanerup, Jóhan E. Simonsenip, eqqunngilluinnarnerarpai.
- FaroeJet suliffeqarfiuvoq piuartussaq, danskit-savalimmiullu niuernikkut unammilleqatigiinneranni peqataaqaavut, pisortaaneq nutaarsiassaqartitsivimmut Ritzauimut erseqqissaavoq.
Nutaarsiassaqartitsiviup, Travel People-p, pingasunngormat ilisimatitsissutigaa, FaroeJet piffissami qaninnerpaami matulersoq, tamannali FaroeJetimit tassa eqqunnginnerarneqarpoq.
FaroeJet Savalimmiut Københavnillu akornanni upernaaq maajimi timmisartuussisalerpoq, Travel People-lli allaaserisaa naapertorlugu tamanna ingerlalluarsimanngilaq, aningaasarliornermik kinguneqarluni.
- Tamanna eqqoriaanerinnaavoq, aamma uppernarsaatissaqartinneqanngilaq, pisortaaneq Jóhan E. Simonsen oqarpoq.