Faderhuset ingutserneqarpoq

Allattoq Jaaku Lyberth
marsip 05-at 2007 07:58

Inuusuttut ornittagaat Københavnimi Nørrebromiittoq Ungdomshuset ingutserneqaleruttorpoq.

Sanaartornermik sulisartut kinaassusertik isertorniarlugu isitik anersaartorfissatillu kisiisa nuisatilllugit illu ingutsilersimavaat, suliffeqarfiullu illumik ingitserisussap aqqa isertuunneqarpoq, inuusuttullu ornittagaat, Jagtvej 69-imiittoq, politiinit paarineqarluni.

Inuusuttut ataatsimoortukkuutaarlutik ingutserinermik malinnaaffiginnipput, ilaallu tupassimarpaseqalutik isiginnaarlutik.

Krani ingutserinermut atorneqartoq siilvimik qalipaasersorneqarsimavoq suliffeqarfiup aqqa isertuunneqarluinnarmat, inuusuttulli ornittagaata eqqaani eqqissiviilliortoqanngilaq.

Illumik piginnittoq Faderhuset ingutserisoqarnissaanik akuerinnissimavoq, tusagassiortunillu katersortitsinikkut tamanna nalunaarutigineqarumaartoq oqaatigineqarluni.

Illumilli ingutserineq ajornaatsuinnaanngilaq. Radioaviisi massuma aallartinngilaatsiarnerani nalunaarutigineqarpoq ingitserineq Københavnip kommuneanit unitsinneqarsimasoq.

- Illumik ingutserineq inatsisinik unioqqutitsineruvoq. Illu asbesteqarpoq, pujoralallu avatangiisinut ulorianarluinnarluni, isumannaallisaanissaq pillugu sinniisoq Freddy Ridder oqarpoq.