Malittarisassat nutaat præsidentip Donald Trumpip unammillertaatalu demokraatineersup Joe Bidenip qineqqusaarlutik TV-ikkut torinngitsumik oqallisereersullu atuutilerput.Assi: Book Catalog/flickr

Facebookip USA-mi præsidentimut qinersinissamut allagarsiussat salloqittaatit inerteqqutigigai

Facebookip Instagramillu allagarsiussat qinersinissamut peqquserluttuliornertut allakkatigullu qinersinerit unneqqaserlunnertut isigineqartut inerteqqutigai.

Amerikami præsidentimut qinersinissamut allagarsiussat salloqittaatit Facebookimi inerteqqutigineqalerput.

Inerteqqutigineqalersut tassaapput politikikkut videoliat taakkualu allagartaat, qinersinissamut peqquserluttuliornertut isigineqartut, imaluunnit qinersinermi inernerit atorsinnaanngitsut qinersisimanermilunniit nalorninernut tunngassuteqartut.

Inerteqqutigineqalersut USA-mut atuupput, ingerlaannartumillu atuutilerlutik Facebookimi Instagramimilu inerteqqutigineqalerput.

AAMMA ATUARUK Facebookip politikkikkut allagarsiussat USA-mi præsidentimut qinersisoqarnissaanut inerteqqutiginialerpai

Malittarisassat nutaat præsidentip Donald Trumpip unammillertaatalu demokraatineersup Joe Bidenip qineqqusaarlutik TV-ikkut torinngitsumik oqallisereersullu atuutilerput.

Præsidentimut qinersineq peqquserluttuliorfiunissaanik Donald Trumpip oqarnini uteqqippaa.

Amerikami qinersisartut millioninik amerlatigisut coronap tuniluunnera peqqutaalluni allakkatigut qinersinissaat naatsorsuutigineqarpoq.

Allakkatigut qinersineq peqquserluttuliornerunissamut periarfisaqarnerussasoq, USA-mi præsidentip arlaleriarlugu oqaatigivaa. Taamaattoqarsinnaaneranilli uppernarsaatissaqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat