Facebookimi najoqqutassanik malinninnani Facebookikkut saqqummiussat 10 millioninit amerlanerusut ukiup affaata kingulliup ingerlanerani peersimallugit, Facebookip nalunaarusiami ilisimatitsissutigaa.Assi: Dado Ruvic/Reuters/Ritzau Scanpix

Facebookip profilit ilumuunngitsut 5,4 milliardit piiarai

Facebookimi profilit ilumuunngitsut 5,4 milliardit Facebookip ukioq manna peersimavai, uukapaatitsiniarnerit, paasissutissanillu eqqunngitsunik siammarterisarnerup akiorniarneqarnissaa anguniagaalluni.

Facebook taama ilisimatitsisoq, nutaarsiassaqartitsiviup AFP-p allaaseraa.

Isumannaallisaaneq annertusarlugu Facebookip nalunaarutigaa, profilillu ilumuunngitsut minutsialunnguaannaat atasimasullugu peertarnerarlugit.

- Profilit ilumuunngitsut millionilikkaat ullormut peertarlutigit eqqoriarparput, atortullu tamakkuninnga malussarniutit tassani atortarlutigit.

Facebookimi ukiup massuma ingerlanerani atuisut profiliisa 5 procentiisa missaat ilumuungitsuusut, Facebookip nalilerpaa.

Facebook aqqutigalugu uumissuinerit, paasissutissanillu ilumuunngitsunik siammarterinerit nalunaarusiami nutaami isornartorsiorneqangaatsiarput.

Facebookimi najoqqutassanik malinninnani Facebookikkut saqqummiussat 10 millioninit amerlanerusut ukiup affaata kingulliup ingerlanerani peersimallugit, Facebookip nalunaarusiami ilisimatitsissutigaa.

Meeqqanik atornerluinerit, imminullu toqunnerit pillugit allaaserisat, nioqqutissanillu unioqqutitsilluni tuniniaanerit peerneqarsimasunut ilaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat