Facebookimi virusi tiinganermut tunngasoq akornusersuivoq

Facebookimi tuuginnarlugit iserfigineqarsinnaasut maanna mianersorfigilluinnartariaqarpavut. Soorlu allagarsiffigisartakkanniittoq ikinngutivit ilaannit nassiussatut allassimasoq virusiusinnaavoq tiinganermut tunngasoq. Taanna ammarukku ajoqusersuuterpassuit aallartissavatit.
Allattoq Camilla Dam
juunip 09-at 2015 15:31
Nutserisoq Elisa Isaksen

Taanna videotut saqqummiunneqarpoq, tassaallunili salloqittaat tassanilu fil-imik ikkussinissat pisariaqartinneqarluni. Tamatuma kingorna assimi tiinganermut tunngasumi ikinngutivit aqqi arlalissuit saqqummissapput, virusilu taamaalilluni siaruarterneqartarluni.

Virusi tiinganermut tunngasoq qarasaasiakkut attaveqaqatigiittarfinni piffissami sivitsortumi ajoqusersuereerpoq. Ippassaq taama eqqugaasut tassaallutik Kim Kielsen, Nivi Olsen, Jess G. Berthelsen aamma Gerhardt Petersen. Aamma Aaja Chemnitz Larsen Facebookimi quppernermini ullumi ima allappoq:

- Ilisimaniassagassiuk ilisimatitsissutigissavara assit tiinganermut tunngasut uanga ikkussarinnginnakkit, qarasaasiamaana programmianut isertoqarsimasoq.

Facebookimit oqaaseqartitap nittartakkamut tv2.dk-mut oqaatigaa, peqquserlulluni iliuuseqarnerit tamakku nakkutigeqqissaaritik assersorniarsarineqartullu atuisulli aamma eqqumaqqissaarniartariaqartut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq