Assi: Folketinget

Folketingemut ilaasortaq Fabrikimik matusiniarnermut ministeriuneq akuliunneqartoq

Folketingemut ilaasortap Enhedslistenimeersup Peder Hvelplundip danskit ministeriunerannut apeqqutigivaa, qanoq iliorluni Royal Greenland Aalborgimi immikkoortortaqarfini matunissaanut pilersaarusiorsinnaanersoq. TV2 Nord taama allaaserisaqarpoq

Enhedslisten sinnerlugu folketingemut ilaasortap tupigivaa, suliffeqarfissuup Namminersorlutik Oqartussanit pigineqartup tunisassiorfini Jyllandip avannaanniittup nuunneqarnissaanik pilersaaruteqarmat.

AAMMA ATUARUK Royal Greenlandimi sulisut sulileqqittut

Tamaattumik Peder Hvelplundip ministeriuneq Lars Løkke Rasmusen akissuteqaqquaa, suna imaluunniit suut tunngavigalugit Royal Greenlandip Aalborgimi tunisassiorfini Tysklandimut nuunniarneraa,  Tysklandimummi nuunneqarpat,  akileraarutitigut Kalaallit Nunaata Danmarkillu iluanaarutigisussaanngimmagu. 

- Suliffeqarfik pisortanit pigineqartup, ingerlalluartumillu suliffeqarfiusup Aalborgimit Tysklandimut nuunneqarnissaa, naleqqutinngilluinnarpoq, Peder Hvelplund oqarpoq. 

- Suliffeqarfik Aalborgimiittoq ukiuni amerlasuuni ilisimasanik paasisanillu annertuumik ineriartorfiuvoq, taannalu annaaneqartussanngorpoq. Suliffeqarfik ungasinnerusumut nuunneqarpat, Danmarkip Kalaallit Nunaatalu iluaqutiginavianngilaat, Folketingemut ilaasortaq Peder Hvelplund TV2 Nordimut taama oqarpoq

AAMMA ATUARUK Royal Greenlandip Aalborgimi sulisui suliumajunnaartut

Suliffeqarfiup nuunneqarnissaa pillugu nalunaaruteqartoqarmat, sulisut sisamanngornermi suliumajunnaarput,  taakkua isumaqaramik suliffeqarfiup nuunneqarnissaanut aalajangerneq pillugu ilisimatinneqarsimannginnamik.
Suliffeqarfimmi aqutsisut tallimanngornermi paasissutisseereermata, sulisut sulinertik aallarteqqippaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat