Fabrikimi sulisut 70-it suliffissaarutissapput
Qalerallit Ilulissanit assartorneqartartut amerlavallaarunnaarmata, maannakkut sulisuusut 70-it, sapaatip akunnerata tulliani angerlartiinnarneqartussanngorput.
- Qasigiannguani qalerallit suliarineqarsinnaasut ikileqimmata sulisut ilarpassui sapaatip akunnerata tulliani angerlartiinnarneqassapput, Royal Greenlandip Qasigiannguani suliffissuani pisortaq, Ole Vestergaard, erseqqissaavoq. Oqaatigalugulu sulisut tamatuminnga sapaatip akunnerani kingullermi ilisimatinneqarsimasut.
Royal Greenlandip Qasigiannguani suliffissuani sulisut aggustilli qeqqata missaani ikililerneqarput Qeqertarsuup Tunuani umiatsiararsorluni qaleralinniarneq unitsinneqarmat.
Qalerallerisut suleqatigiikkuutaat marluusut aggustip qiteqqunnerani ataasiinnanngortinneqarlutik, sulisut 40-nanngortinneqarlutik, Ilulissanit qalerallit assartorneqartartut sulisussanik allanik pisariaqartitsiunnaarmata.
