Føroya Banki BankNordikkinngorpoq

Savalimmiormiut aningaaseriviata Føroya Bankip qanittumi SparBankip immikkoortortaqarfiinik aqqaneq-marlunnik, nunatsiniittut immikkoortoqarfiit pingasut ilanngullugit - pisisup, Savalimmiut avataanni ingerlatsiveqarnini takutikkumallugu nutaamik ateqalerpoq, tassaalerluni BankNordik.
marsip 17-at 2010 11:21

Maanna aningaaseriviup sullissinermini ingerlataasa amerlanerpaartai Savalimmiut avataaniilerput.

- Sullitavut 80.000-iusuniit 55.000-iusut Savalimmiut avataaniittuupput, ilarpassuisalu aningaaseriviup atia taasinnaanagulu allassinnaanngingajappaat. Taamaammat atitaatta nunat avannarlermiuunerput ersertinniapaalusooq, taama aningaaseriviup siulersuisuisa siulittaasuat Klaus Rasmussen oqaaseqarpoq.

Aningaaseriviup Københavnimi immikkoortortaqarfia ukiuni kingullerni Føroya Bankimik ateqartinneqarsimagaluarpoq, taamaattorli aterisaat sullitaasa takornartarisarsimagaat paasinarsisimavoq.

- Savalimmiormiutut ateqarnerput suliffeqarfitta ineriartortinneqarneranut akornutaasariaqanngilaq. Taamaamat siulersuisut pisortaqarfiullu atitsinnik allannguinerput siumut alloriarnertut isigaat, taama Klaus Rasmussen oqaaseqarpoq.

Atimilli allannguiniarneq aningaaseriviup maleruagassaanik allannguinissaanik kinguneqartariaqassaaq. Aningaaseriviup naliginnaasumik ataatsimeersuarnissaani marsip 29-ani Torshavnimi ingerlanneqarpat allannguinissamik siunnersuut saqqummiunneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq