Exit Polls: Sorlaat Partiiat qinigaanngitsuussaaq

Partii qineqqusaarlaaq Sorlaat Partiiat, KNR-ip qinersisimasunik taasisitsinerani taaguunneqanngippallaarluni inatsisartunut isinngitsuussaaq. Qinersisut 1,3 procentii pissarsiarigaluarai, inatsisartunut isissaguni minnerpaamik 3 procentinik taaguunneqatariaqarpoq.
Allattoq Oline I. Olsen
juunip 02-at 2009 20:11

Sisimiut Qaqortumilu qinersereersut aninerini taasisinneqarneranni Nikoline Ziemer, Sorlaat Partiiani siulittaasoq, 1,3 procentpointinik taaguunneqarpoq, qinersinermilu nuna tamakkerlugu taaguunneqarnera allannguuteqassanngippat, qineqqusaaqqaartoq inatsisartunut isinngitsuussaaq.

Inatsisartuni issiaviit 31-iupput, qinersisartullu 1/31 taasippata, tassa 3 procentii taasippata, taava inatsisartunut ilaasortanngortoqarsinnaavoq.Qinersisartut 70 procentii taasippata, taava 900-inik taaguunneqartoq inatsisartunut ilaasortanngussaaq.