Exit poll Sisimiut: IA siuariarput, allat kinguariartut

Pingaartumik Demokraatit kinguariangaatsiarput, taasisaammi 18,8 procentimik ikileriarput. Sorlaat Partiiat nutaatut qinigassangortinnermini taasinerit procentiinik marlungajannik pissarsisimavoq.

Sisimiuni Demokraatit kinguariarujussuassasut partiillu allat qinersisartuisa IA-kkunnik taaguisimanerat, KNR-ip qinersisartunik taasereerlutik anineranni nalunaaqutaq arfinernut kisitsisit takutippaat.

IA 27,3 procentpointinik siuariarpoq, partiit Siumut, Atassut aamma Kattusseqatigiit Partiiat 5,2, 6,1 aamma 1 procentpointimik kinguariartut.

Demokraatinik taasisartuugaluit allanik taasisimasut kisitsisit takutippaat.Demokraatit 2005-imi taaguunneqarnerminnut naleqqiullugu 18,8 procentpointinik taaguunneqannginnerusimapput.

IA-p siuariarnerata saniatigut, Sorlaat Partiiata qineqqusaartitaa Nikoline Ziemer, kingullermik inatsisartunut qinersisoqarmat qineqqusaanngitsoq, 1,9 procentinik siuariarpoq.

Sisimiuni qinersiartoreersunik taasisitsineq:

IA:Exit poll 2009: 47,2 %-Qinersineq 2005: 19,9 %-Allannguut: + 27,3

Atassut:Exit poll 2009: 9,1 %-Qinersineq 2005: 15,3 %-Allannguut: - 6,1 %

Siumut:Exit poll 2009: 31,4 %-Qinersineq 2005: 36,6 %-Allannguut: - 5,2 %

Demokraterne:Exit poll 2009: 6,6 %-Qinersineq 2005: 25,4 %-Allannguut: - 18,8 %

Kattusseqatigiit Partiiat:Exit poll 2009: 1,7 %-Qinersineq 2005: 2,7%-Allannguut: - 1 %

Sorlaat Partiiat:Exit poll 2009: 1,9 %- Allannguut: + 1,9 %