Kalaallit Nunaata Radioata ullumi Exit Poll-eqarnerata takutippaa, Inuit Ataqatigiit Demokraatillu Inatsisartuni amerlanerussuteqalissasut.
Inuit Ataqatigiit qulingiluanik isertitaqassapput Demokraatillu arfineq-pingasunik ilaasortaatitaqalissallutik.
Siumut angusaqarluassaaq, qulingiluanik isertitassalluni. Exit Poll-ili naapertorlugu naalakkersuisoqarfinnit anisariaqassagunarput.
Atassut angusaqarluartussatut isikkoqanngilaq, Inatsisartuni taamaallat sisamanik ilaasortaatitaqalissammat. Kattusseqatigiit ataatsimik ilaasortaatitaqaannassapput.
Exit Poll qinersivinni ilaatigullu qinersiviit silataanni taasisitsinikkut suliarineqarsimavoq, taasisartut taasereersimasut KNR-imit taasivissamik nutaamik tunineqarlutik taasitinneqartarsimallutik.
Qinersisartut 1237-it Exit Poll-imut peqataasimapput, ullullu ingerlanerani aamma taasisitsisoqaqqissalluni.