Evo Morales uppisitaariaannaavoq
Tatiginninnermik taasisitsisarnermut inatsisip allanngortinneqarnissaa præsidentip Evo Moralesip maajimi siunnersuutigaa.
Illuatungiliuttut taamaaliornikkut inissinniarsarai, politikkikkullu pissutsit ajortissimaqisut aaqqiiviginiaraluarlugit.
Naturgassimik qalluineq Boliviami annertusimmat aningaasaqarniarneq ilorraap tungaanut aallaraluartoq innuttaasut piitsuusut suli amerlapput.
Suliffeqarfiit naturgassimik qalluisut naalagaaffimmit pigineqalerput, innuttaasut aningaasaqarniarnikkut pitsanngorsaaviginiarneqarnissaat siunertaalluni.
Taamatulli iliornerit nunap immikkoortuini assigiinngitsuni illuatungilerneqarpoq, allaallumi namminersulernissamik piumasaqaateqartoqartalerluni. Evo Morales 2005-imi præsidentitut qinigaavoq. Naggueqatigiit Boliviami amerlanerussuteqartut tassaapput eqqillit, Moralesilu taakkunanit siullersaalluni Boliviami præsidentinngorpoq.
