Tamanut angallassissutinut ilaasut tamarmik kiinnamut assiuateqartassasut, Spaniami ministeriunerup Pedro Sanchezip sapaatit akunnerata naanerani nalunaarutigaa.Assi: Yves Herman/Reuters/Ritzau Scanpix

Europap ammariartoqqinnerani kiinnamut assiaquteqarnissaq piumasaqaataalertoq

Europami nunat arlaqartut ataasinngornermi ammariartoqqipput. Coronavirusimik tunillatsissimasut toqquteqartullu ikiliartornerat peqqutaavoq.

Europami nunat arlaqartut coronavirusip ajornartorsiortitsinerani sapaatit akunneri arlaqartut matoqqisimallutik ammariartornissaminnut ataasinngornermi ikaarsaarput.

Taama pisoqarpoq corovirsumik tunillatsissimasut toqquteqartullu ikileriarneranni.

Neriniartarfiit, nujaleriffiit atuagaateqarfiillu ammmartussapput, taamaakkaluartoq corona sioqqullugu pissutsit pisarnermisut innavianngillat.

Nunammi arlaqartut kiinnamut assiaqqutinik pinngitsoorani atuinissamik piumasaqaateqarput.

AAMMA ATUARUK Italiami katersugaasiviit maajimi imerniartarfiillu juunimi ammaqqissasut

Tamanut angallassissutinut ilaasut tamarmik kiinnamut assiuateqartassasut, Spaniami ministeriunerup Pedro Sanchezip sapaatit akunnerata naanerani nalunaarutigaa.

Spaniami naalakkersuisut kiinnamut assiaqutinik millioninik arfinilinnik spaniamiunut tamanut agguaaniarput. Tamatuma saniatigut kiinnamut assiaqutit allat millionit arfineq-marluk najukkani oqartussaasunut agguaanneqassapput.

Nuna Spaniap sanilerisaani Portugalimi tamanut angallassissutini pinngitsoorani kiinnamut assiaquteqarnissaq ataasinngornermi piumasaqaataalersinneqarpoq. Aamma Italiami Belgiamilu.

Tysklandimi tamanut angallassissutini pisiniarfinnilu pinngitsoorani kiinnamut assiaquteqarnissaq piumasaqaataalerpoq. Aamma Sloveniami Ungarnimilu.

Danmarkimi tamanut angallassissutinut ilaanermi kiinnamut pinngitsoorani assiaquteqarnissaq piumasaqaataanngilaq.

Isummersuutit