Itsarnisarsiuut Europami inuit siulliit ilaasa saarngi ujaranngorsimasut paasisaqarfigisimavaat.
Saarngit arfinillit Rumæniami Pestera Muierii-p qaarusuani 1952-imi nassaarineqarsimasut ukiunik 30.000-inik itsarnisarsiuut misissueqqissaareerlutik pisoqaassusilerpaat. Misissuisuupput St. Louis-imi Washington University-meersoq Erik Trinkaus suleqataalu.
Nassaarineqartut najoqqutaralugit apeqquserneqarpoq inuit ullumikkut inuusut nagguii neanderthalere-nik inooqateqarsimasinnaanerat, tamannalu amerikamiut atuagassiaani Proceedings of the National Academy of Sciences-imi saqqummiunneqarput.
Ilisimatuup taassuma suleqataasalu tunngavilersuutigaat saarngit takutikkaat sananeqaatitsigut ilaquttatsinnut, neanderthalerinut pissuseqateqarnerat.
Inuit ullumikkut inuusut siuliisa ukiut 40.000-it matuma siornagut Europamut pisimasinnaanerat ilimagineqartarpoq ukiullu 10.000-it ingerlaneranni neanderthalerit Europamit qimagussimapput.
Ukiut 24.000-it matuma siornagut Iberiske Halvø-mi neanderthalerit aniguisut kingulliit nungussimassangatinneqarput.