Europamiut aalisakkanik tukertitartornerulersut
Europamiut aalisakkanik imaani pisaanngitsunik tukertitsivinneersunilli nerisaqarnerulersimapput.
1980-mi nunarsuarmi aalisakkat nerineqartut 9 procentii 2004-milu aalisakkat nerineqartut 43 procentii tukertitsivimmeersuusimapput, tamannalu
Naalagaaffiit Peqatigiit inuussutissaqarnermut suliniaqatigiiffiata FAO-p nalunaarusiaani saqqummiunneqaqqammersumi atuarneqarsinnaavoq.
Europamiut tuketitsivinneersunik aalisagartornerulersimanerat aalisakkat imaani aalisarlugit pisat ikinnerulernersimanerannut pissutaaqataavoq.
- Aalisakkanik imaaneersunik pissarsiniarneq tukertitsivimmiunik pissarsiniarnermit ajornarneruvoq akisunerullunilu tamannalu amerliartuinnartut paasiartorpaat, danskit tukertitsisartut peqatigiiffianni siulittaasoq Jacob Bregnballe oqarpoq.
Aalisakkat tukertinneqartartut 40.000 tonsiniit 115.000 tonsinut 2013-imi amerliartortinneqarnissaat danskit naalakkersuisui Dansk Folkeparti suleqatigalugu isumaqatigiissutigiissuteqarput.
