Europamiit Kangianut aqqut angallaviginialersaaraa

Danskit umiarsuaateqarfiata Torm-imik taaguuteqartup nunarsuup kissatsikkiartornera atorluarlugu siullermeersumik misiliummik Europamiit Kangianut aqqut angallaviginialersaaraa danskit aviisiisa ilaata Børsenip allaaseraa.

Ruslandip tungaanut Kangianut aqqutaa sikoqanngilaq, uiartereqqaanngikkaluarlunilu orsussamillu atuerujussuanngikkaluarluni Europamiit Aasiamut umiarsuarmik ingerlasoqarsinnaalersimavoq. Oqaatigineqarporlu nalinginnaasumik aqqutigineqartarsimagaluartumut sanilliullugu taamaalilluni 40 procentimik aqqutaa sivikinnerulertussanngortoq. Umiarsuaatileqatigiiffiullu Tormip taamaalilluni 1 millioni koruunit sipaartussanngorpai ullullu aqqaneq-marluinnaat umiartorneq ingerlanneqarsinnaalerluni.

Umiarsualiortartut taakku maanna umiarsuarmik aqqutikkut tassuuna ingerlaartussamik sanaleruttorput, taannalugooq 5 milliarder koruuninik naleqarpoq.

Kangianut aqqut ingerlavigiumallugu siusinnerusukkut iluatsinngitsumik misiliisoqartarsimagaluarpoq, maannali silaannaq kissatsikkiartorallartillugu sikup aanneratigut taamaalilluni ingerlavigineqarsinnaalersimavoq. Umiarsuaatileqatigiiffiup pisortaata oqarnera malillugu - Naak silaannaap kissakkiartornera iluarinarpallaanngikkaluartoq, uagutsinnut tassuunakkut iluaqutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat