Europami silapiloqaaq

Europap kippasissortaani nittaalartalimmik ullumi anorersuarmat angallanneq eqqorneqarpoq, soorlu timmisartoq timmisartut aallartarfiannukartilluni quasangaarmat sisoormat Londonimi timmisartoqarfik Heathrow matuinnarneqartariaqarsimavoq. Tuluit Nunaanni illoqarfiit pingaarnersaanni tassani ukiut 18-it taamarsuaq aputeqarsimanngilaq.

Sverigimi Norgimilu ulluni qaninnerni aamma aperujussuassagunarpoq – apunngooq immaqa 20 centimeterit tikillugit portutigissagunarluni.

Frankrigimi Spaniamilu aamma anorersuartorsuuvoq, aqquserngit qimuttuitsullu aqqutaat kujammut Marokko tikillugu matuneqartariaqarsimallutik.

Italiami isserujussuarmat, sialussuarlunilu anorersuarmat, inuit pingasut ajunaarput. Angullu Siciliami ajunaarpoq, biilia kuummit qarsutsisumit kuugussaammat.

Spaniap kujasissuani feeriartarfimmi Malagami kaassaarujussuarmat, orpiit sorlattalerlutik kaanngartiterput, biilit biilinut inissiivimmiit teqqaapput, pequtillu silaannakkoortarlutik. Inuit ikinnerpaamik 25-t napparsimmavinnut unittariaqarsimapput.