Europami aput ajornartorsiortitsivoq
Apulli maanna ajornartorsiortitsigallarpoq, aatsaallu pisariaqarluinnassappat inuit angallannissaat Danmarkimi politiit kajumissaarutigaat.
Aqqusernit quasarnerat pissutaalluni biilerlutik ajutoortut amerlaqaat, inuillu arlallit ajunaarlutik.
Norgemi Tromsøp ungasinngigisaani Fagerfjellimi aput sisoormat inuit tallimat eqqorneqarput, sisorartartorlu ataaseq ajunaarluni.
Sisorartartoq alla apummit aamma qallerneqaraluarpoq, annaassiniartunilli annaanneqarsinnaasimalluni.
Europami apinerujussua angallannermik eqquinerluppoq, silaannakkut angallanneq eqqorneqarnerlukkami aqqusernillu matoorarneqarlutik.
Inuppassuit biiliminni unnuisariaqarsimapput, timmisartortussallu timmisartoqarfinni aamma unnuisariaqartarsimallutik.
Siniffiit patitittakkat 1700-t Amsterdamip mittarfissuani inissinneqartariaqarsimapput, inuit 3000-it missaat unittooqqammata.
Hollandimiut nutaarsiassaqartitsiviat AP taama allaaserisaqarpoq.