Europa apisorsuusoq nunatsinni nerumippoq

Aviisimi Politikenimi taama allaaserinnittoqarpoq.

Italiami unnuaq qerinnarpoq aamma Spaniami nilleqaaq. Pissusissamisuunngitsorlu tassaavoq Nuummi pingasuinnarnik issimmat, tamannalu nalinginnaanngitsoq, Michael Skelbækip Danmarkimi silasiorfimmi DMI-meersup oqaatigaa.

Aamma unnuaru Veronami 10-t tikillugit ississaaq, Nuummili 7 imaluunniit 8-t tikillugit ississalluni.

Polenimi aamma sila nilleqaaq, nutaarsiassaqartitsivillu AP nalunaarpoq, tamaani inuit 29-t qiullutik ajunaarsimasut. Europalu tamakkerlugu 50-it sinneqartut ajunaarsimassangatinneqarput.

Tamatuma saniatigut USA-p kangisinnerusortaa, sapaatip akunnerata naanerani perserujussuarnerata kinguneranik, apussuarmik ajornartorsiortinneqarpoq, tamaanilu inuit ikinnerpaamik sisamat ajunaarsimanerarneqarput.

Philadelphiami sapaatip akunnerata naanerani 59 centimeterinik apivoq, Washingtonimilu 46 centimeterinik apilluni, taamalu apinerpaaffigisimasani marloriaammik qaangerlugu apisimalluni.

Danmarkimi aamma aputeqarlunilu issippoq, juullimilu qaqqorimmik aputeqarnissaa ilimagineqarsinnaasoq DMI-mit nalunaarutigineqarpoq.