EU ullumikkut ikiuiniaqatigiit pisortaannik Congoliartitsivoq
Louis Michel, EU-p nunanut ineriartortunut kommissæria, Congomi illoqarfiit pingaarnersaannut Kinshasa-mut unnugu tikinnissaa naatsorsuutigineqarpoq, tikeraarnermini oqaloqatigissallugit, Congop præsidentia Joseph Kabila, allallu atorfikkaat.
Naalakkersuisut sakkutuuisa aamma Tutsi-t sakkortusaarniartortaasa akersuunnerisigut eqqissiviilliornerit patsisigalugit, ullumikkut Congomi nunap kangisinnerusuani qimaasunut inissiiviusunit inuit 45.000-init amerlanerusut qimarratsinneqalerput aamma pikitsitsiniat illoqarfik Goma qanilliartuinnaraat, Naalagaaffiit Peqatigiit qimaasunut ikiuiniaqatigiiffianit oqaatigineqarpoq.
- Qimaasut issimaffianniittut pigisannguatik poortoriarlugit aallararput. Qimaasunut issimaffiup eqqaani akersuuttoqanngikkaluarpoq, taamaattorli “inuit quarsaaqqaqalutik qimarrapput, uivernersuaqarporlu”, Naalagaaffiit Peqatigiit ikiuiniaqatigiiffianneersoq oqarpoq.
Louis Michel-ip tikeraarnermigut ikiuinissamik pisariaqartitsineq qanoq atsiginersoq paasisaqarfigerusuppaa.