EU puisit amii pillugit oqalugiarfigineqalerpoq

-Oqaatigisinnaavara nunatsinnut pingaaruteqartumik avammut suliniutissat Aleqa Hammondip naalakkersuisuugallarmalli pilersaarutaasut sumilluunniit allanngortinneqanngimmata taamaattumik tassa aviisiliortut tyskit Københavnimi 18-ni 19-nilu naapissavakka tassanngaaniillu Bruxellesimut ingerlasussaassaanga tassalu EU kommissionimi Parlamentimilu nassuiaateqarlunga oqalugiariartorlunga tassami massakkut pingaartorujussuuvoq EU-p tungaaninngaaniit puisit amiinik tunisisinnaanermi mattussiniarneq maanna aalajangiunneqartinnagu sunniiniarnissaq annertooq ingerlatissallugu taamaattumik suliassanni pingaartorujussuartut isigalugu ingerlajumaarpunga.

Per Berthelsenilli oqalugiaatissani europamiut uumasunik illersuiniartunit aqunneqaqisumik eqqarsariartaasaannik allanngortitsisussaq suli allanngilaa. Allannguisinnaasorinerlunili?

- Taamatut pisussanik tassa neriuinnarsinnaavugut sunalu tamaat atorlugu sunniiniarneq ingerlatissavarput soorunami siulittuuteqarsinnaanngilagut qanoq iluatsissanersoq unami pineqartoq ukiorpassuarni ajornartorsioqattaarutaanikuuvoq taamaattumillu tassa imaannaanngitsukasiulluni kisianni tassa aamma uanga oqaatsitigut akunnattoorfeqannginnera iluatsillugu neriuppunga annertuumik toqqaannartumillu sunniuteqarsinnaasumik iliuuseqarsinnaajumaarlunga.

Aningaasaqarnermut nunanullu allanut naalakkersuisoq Per Berthelsen Helsinkimut nunat avannarliit ministeriisa ataatsimiinnerannukartoq oqarpoq