EU pillugu isummat Irlandimi mumilerunarput
Tassami inunnik ukioq manna taasisitsisoqassappat EU-p aalajangersagassaanut irlandimiut pingajorarterutaasa aappaat angerput.
februaarip 01-at 2009 13:59
Isumasiuisitsinermi, aviisimi Sunday Business Postimi, ullumi saqqummersumi, tamanna erserpoq. Nutaarsiassaqartitsivimmi Ritzauimi taama allaaserinnipput.
EU-p isumaqatigiissutissaanut irlandimiut 67 procentii angissamaarput, 33 procentiinnaat akerliusut.
Irlandimi innuttaasunik siorna juunimi taasisitsisoqarmat qinersisartut EU-p isumaqatigiissutissaanut naaggaarput, EU ajornartorsiortingaatsiarlugu.
