EU-Parlamentimi ilaasortaq kalaallit puisinniartarnerannik illersuivoq
Naalakkersuinikkut oqallinnermi ilisimaneqartariaqartut ilisimassutsillu misigissutsinik tiguaagaangata nuannarineq ajorpara, tamannalu pivoq puisit amiinik EU –mut eqqusseqqusiunnaarnissamik oqallinnermi, Ole Christensen allaaserisamini taamatut allappoq.
Puisit puulukinit nersussuarnillu sanilliullugit uumasuulluarnerupput kiffaanngissuseqarlutik uumasuugamik, mattussaaqqanikuunatik. Kalaallit piniartui pusinniaraangamik europamiup neqaarniap aallaarniartartulluunniit uumasunik pisaminik toqutsisarneratullu piniartut puisinik pisaqartarput, Ole Christensen allappoq. Canadamiut puisinik qiviuiarneqanngitsunik toqoraasarnerisa unitsinneqarnissaa isumaqatigaa.
Inerteqquteqarneq kalaallit piniartuinut eqquissappat ingasappallaaqaaq. Europarlamentimimi ilaasortat amerlasuut aammalu Ole Christensenip parteeqataaneersut puisinniarnermi piniariaatsit assigiinngissutaat isummerfigisimanngilaat inuiaqatigiinnullu pingaaruteqassusia paasisimanagu Ole Christensen EU-p inatsisartuini ilaasortaq allappoq.
Uumasut pitsaasumik atugaqarnissaat salliutinniarlugu inuit inuunerat akigineqartariaqanngilaq, Ole Christensen aviisimi nordjyske.dk –imi allaaserisani taamatut naggaserpaa.